无惊无险《巨轮II》话咁快就要大结局啦上礼拜“兽父”高天鹫嘅所作所为为呢套“乱伦”剧掀起咗个小高潮成为观众茶余饭后嘅话题小编认为，要创造个话题有几难姐係剧中饰演阿田大佬“姚浩天”嘅赵永洪一样咁有话题性！ 尽管姚浩天冇高天鹫咁大奸大恶但足以令到观众边睇边闹冇以为畀人闹係衰嘢啊对于演员嚟讲可以演衰人演到畀人闹係一个成就嚟噶！！可惜，为咗演活一个“贱男”佢却要付出被定型嘅代价 何为“被定型”？“TVB御用强奸犯”李天翔“TVB御用‘奸’角”石天欣佢哋就係赵永洪呢个“TVB御用贱男”嘅好朋友啦 其实有睇开TVB嘅朋友都唔难发现佢有一个“潜规则”——你演得愈好，演得愈似，监制下次开剧就会再次畀“机会”呢位演员如果唔係咁大家真係以为某某演员次次都可以咁巧演到同类型角色咩！ 赵永洪咁抵霖次次都肯做“贱男”真相只得一个同所有“绿叶”一样都係钟意演戏！甘愿做“贱男”讲白咗就係公司安排冇得拣！只好用心演好每一个被分派嘅角色 由99年入读艺员训练班开始佢一直抱住呢个信念数下手指话咁快就已经係第17个年始终都係果句啦平常心 同其他“绿叶”一样佢都遇到过一件难忘嘅经历发生係拍《同事三分亲》之前有日搭铁嘅时候畀个小朋友认出讲咗句：明星喔！正当佢准备微笑点头嘅时候小朋友身边嘅哥哥话：明乜星啊？茄哩啡嚟之嘛！随后，赵永洪选择咗即刻落车佢并唔係怪对方冇礼只不过咁样嘅场面真係好尴尬 赵永洪係咪真係冇机呢？咁又唔係~话晒佢係09年都凭借过《毕打自己人》入到“男飞跃”最后五强对佢嚟讲攞到颁奖礼入场券同获奖係两回事但起码都入过下啊已经算有进步噶啦再加上果年获奖嘅係表现真係好出色嘅“排骨仔”敖嘉年无可厚非噶啵~唯有继续等机会！佢仲扬言话：一日仲有力都会做落去做到80岁都OK！一个咁得人欢心、咁有heart嘅“贱男”小编真係好少见！而佢之后亦会继续係唔少新剧中“贱”落去好期待哦~ 《降魔的》 《翻生武林》